A enumeración, última regra do método dedutivo cartesiano, pode ser se cadra a máis sinxela de explicar, pero non por ese motivo a menos importante.
Unha vez que obteñamos os resultados buscados mediante o exercizo dos anteriores pasos do método, debemos cerciorarnos de que estes teñen validez. Para conseguilo tan só debemos repasar con coidado os pasos que demos ([...]"facer en todo uns recuentos tan integrais e unhas revisións tan xerais, que chegase a estar seguro de non omitir nada", dinos Descartes no Discurso do método), asegurándonos de non ter cometidos erros en ningún deles.
Desta maneira cercioraríamonos de que non actuou contra nos a nosa impulsividade ou descoido e de que operamos conforme o método, establecendo unha cimentación sólida para o coñecemento.
